賽車鬥快幾時都是大大腳踏油啦，不過只得10升油，但又要在賽車場鬥快講法就不同喇。上年12月本田在主場Twin Ring Motegi賽車場舉行的「Honda Racing Thanks Day 2017」就有場這樣的搞笑賽，由18位來自不同本田車隊的職業車手揸Fit RS跑五個圈，唯一條件就是每部車只得10升汽油。
連埋熱身圈加埋出入場約跑30公里，以Fit仔的耗油量慢慢轆，10升油當然無問題，但同時要鬥快就真的幾考車手腳下功夫喇。睇番片段，佢哋又無就住踏喎，平均圈速都有2分30秒左右，以近乎原裝的Fit仔都唔算慢，最終由Super GT車手塚越広大第一個衝線奪冠，而同場名氣最大的F1冠軍車手畢頓（Jenson Button）則是第一個無油被踢出局，跌到一地眼鏡碎。