早前我們已睇過由內地工信部發出的富豪EM90相片，今日就可以睇到更多由廠方發放的相片，可以睇得更清楚，以及可以睇到更多內櫳入面的裝潢。比起上次的相片，今次可以睇得更多細位，特別是車頭造型完全是富豪自家設計，跟EX90有八、九成相似，不過EM90的車頭面譜就多了好多識得發光的「粒粒」，加上發光logo，使它在晚間行車時候就會更加突出，這種設計好像在內地十分流行。另外，A柱之後的車身部份就是極氪009的分身，不過尾燈就有輕微改變，左右兩邊多出一組直燈，似將個H字分開擺放，這個設計又是EM90獨有，本尊009就非此形式設計。至於內櫳方面，維持009的六座佈局，而且整體設計都源自009，不過睇相就似用上更靚的皮革，以維持富豪頂級產品級數，畢竟此車在內地要賣接近82萬人民幣，不用上靚料怎對得起買家？動力配置方面，EM90配寧德時代的116kWh電池和一個放置於後軸上面的摩打，能夠換來268匹馬力輸出，以及738公里嘅續航能力，由只剩下一成電量充電至八成，只需半小時。未知大家怎樣看這部富豪？
