賣個滿堂紅的smart #1，當中有九成買家都是選擇Brabus，因為它跟Premium版的價錢只相差好少，兼且馬力又大好多，又是四驅，更要是Brabus原廠改裝，自然多人選擇。不過，若嫌原裝smart #1 Brabus未夠辣，又或者想將Premium或Pro+加辣的話，可以考慮Brabus這套新推出的改裝套件，有齊頭擾流、兩邊側裙、比原裝翹起好多的大尾翼、更誇張的尾擾流，以及原裝都無的21吋Monoblock Z十幅式輪圈。另外，內櫳入面更有全套Brabus地毯、合金腳踏連門檻、迎賓燈等。既然#1 都有原廠改裝部品，相信稍後時間都會有#3 ，甚至#5的改裝件推出。
