等呀等呀，終於等到新一代寶馬M5（代號G90）推出，今代重點是加入電氣化元素，搭載插電混能系統，透過取自XM的4.4公升V8 twin-turbo引擎發出嘅585匹馬力及750Nm扭力，再搭配摩打所產生的197匹馬力及280Nm扭力，累計系統總輸出高達727匹超強馬力，以及驚人的1,000Nm癲狂扭力，較上代（F90）尾期款的M5 CS還要利害，只不過今代0-100km/h加速需時3.5秒，較上代慢了少少，但極速依然鎖定在305km/h（需搭配M Driver’s套件使用，否則只有250km/h）。為何今代加速慢了？因為多了電池和摩打組件，車重首次突破兩噸，達到2,435kg，不過性能輸出大了，起步肯定快好多，所以相差少少不要太介意喇。況且，今代加入插電混能之下，能夠提供40公里的純電行駛距離，返到屋企時不用擔心嘈到左鄰右里。另外，廠方亦為今代加入新玩法，只要拉一拉軚盤背後左邊撥片，可即時介入boost control功能，進入最癲狂模式而毋須再入去揀mode先發揮到最狂性能。既然四門M5都出了，相信M5 Touring都好快跟大家見面，問題是你揀房車還是旅行車呢？
